O Divinu difensori
Chi gosas in Celu tantu
Platanu martiri santu
Prega po su peccadori.
Ses nobili africanu
Fillu de Rosa innocenti
De s’imperadori Adrianu
Cuddu Martiri valenti.
Cun amori divina ardenti
Superas dogna rigori.
Platanu...
Sendi medicu eccellenti
Rimedias prestu su mali
E cun donu supernalis
Riparas dogna languenti.
Preghendu costantementi
Po alleviai sa dolori.
Platanu...
Po abbrazzai in sa lei pagana
Ti promittint onoris e benis
Ma tui rispundi chi tenis
Dogna beni po cosa vana.
Candu tenis una funtana
De beni consoladori.
Platanu...
Biendi su crudeli tiranu
Ca is carignus no ddi balint
A is malezzus dona manu
Po ti provai sa costanza.
Ma tui cun perseveranza
Esaltas su Redentori.
Platanu...
Atturdiu su tiranu
De sa forti resistenzia
Ti declarat sa potenzia
Si dimostrat inumanu.
Ma su Deus Soberanu
Si dimostrat cun amori.
Platanu...
Unu fogu orrorosu
Po tui hianti apparicciau
Po chi fessi abbruxiau
In cussu logu disastrosu.
Ma tui allirgu e gioiosu
Cantas in mesu a s’ardori.
Platanu...
Animau de su coraggiu
De fradi tuu Antiogu
Est po tui onorosu su fogu
Is catenas sunt un omaggiu.
E cun Deus po cumpangiu
Predicas su Salvadori.
Platanu...
Cantu ses superiore
A custu orrendu martiriu
Ordinat cun prus deliriu
Resina e pixi infogada.
Custa pena est superada
De s’ Angelu liberadori.
Platanu...
Festeggiau a Villaspeciosa s’ultimu dominigu de Austu
[Realizzato grazie alla "fede viva" della comunità di Villaspeciosa (Cagliari) che da secoli, con rinnovato ardore e devozione, venera S.Platano come testimone di Cristo, lo invoca come intercessore e lo segue nel cammino verso la santità come modello.]
| 
Home Page | Santi | San Platano |